التوست البيتي بالصور و الكايزر

انا عملت قبل كدة اعلى من كدة وكان عالي و الله بس لما خمرتة اتخبط القالب في الباب و نزل احبط بس كنت استحالة اخمرة تاني
كان نفسي اكلة قوي المهم ندخل على الطريقة
المقادير:
3 اكواب دقيق
معلتين لبن نيدو
ذرة ملح
م ص محسن خبز
م كبيرة خميرة فورية
تلات اربع كوب ماء دافئ
نص كباية زيت ذرة
م خل كبيرة
م سكر
م ص كركم (لو عايزاة مسفر شوية)
الطريقة:
هانحط في طبق غويط الماية و السكر و الخميرة و نسبها ربع ساعة و بعدين نضيف الزيت و الخل
نقلب المكونات الجافة مع بعض كويس و نبدا نحطها على حبة حبة على الماية مع التقليب المستمر و بعدين نبدا نعجن ممكن الدقيق يكون اقل او اكتر على حسب كل نوع دقيق هانفضل نعجن لحد ما تبقى ناعمة و مش بتلزق في اليد و نغطيها و نخمرها ساعة او ساعتين و نعجنها شوية و نفردها بالنشابة و نعدين نلفها زي الرول و نحطها في القالب المدهون زيت و ندهن وش العجينة زيت و نغطيها لحد ما ترتفع الارتفاع اللي انت عايزاة
اهم حاجة اللي جاي: هانسخن الفرن و نحط فية صينية فيها ماية سخنة من تحت و بعدين ها ندهن وش التوست ببيضة وم ص سكر و م ص ملح و نحطة باراحة و نقفل الفرن بعد 20 دقيقة نقتح الفرن و نشيل حمام الماية دة و نوطي الفرن شوية و نسيبة كمان عشر دقائق ربع ساعة و اول ما يخرج من الفرن نجيب بخاخة فيها ماية و نرش علية و على القالب وعشان ما يبقاش ناشف من برة
و براحة بدا نشيلة ونحطة على شبكة و بعدين نغطية بفوطة لحد ما يبرد خالص و نبدا نقطعة.
و الله صورتة كذا صورة و عملت توست بسطرمة و صورتة بردة بس ربنا يسامح اللي مسح الصور
ابقوا ادعولي بالله عليكوا

و من نفس العجينة عملت كايزر.

السجق الشرقي

السجق دة بقى على طريقة سلمى صاحبتي من ساعة ما عالمتهوني و انا بعملة على طول
الطريقة:
هانقطع السجق صغير و طماط و فلفل اخضر و بصل
نشوح البصل و بعدين الفلفل و بعدين الطماطم و وبعدين السجق ملح و فلفل و بهارت لحمة وكمون و حبة ماية صغيرين خالص
واول ما تخف الماية نطفي النار يسلام بقى مع حبة طحينة و مخلل و عيش فينو روعةةةةةةةة

أخيرا عملت المارشيمالوااااااااااااااااااااااا بالصور

كان نفسي اعملة من زماااااااان بس مكنش عندي كورن سيرب بس لقيت ام عزيزان في موقع لكي عاملاة من غيرة ربنا يكرمها بس طبعا كان ليا اضافتي الخاصة كنت مرة شفت موقع اجنبي عملة ببياض البيض و دة اللي انا زودتة و نجح الحمد لله يلا على الطريقة

المقادير:
3 جيلاتين ورق
كوب ماء
كوب سكر بودرة
تلات اربع كوب شيرة او كورن سيرب
ذرة ملح و فانيليا
2 بياض بيض م ص لمون م خل
الطريقة:

1. هاننقع الجيلاتين الورق في ماية باردة و نعمل الشيرة
   
2. الشيرة: 2 كوب سكر مع كوب ماء علي النار و عند الغليان نضيف عصير لمونة و نسيبة عشر دقائق
3. كوب ماء على النار ندوب في الجلاتين و نستمر في التقليب 7 دقائق و بعدين هاضيف علية 3/4 كوب الشيرة هاشيبهم يغلو شوية و اقفل و اسيبة يهدا
4. هاضرب بياض البيض و المون و الخل لحد ما يبدا يتماسك و اضيف علية بالراحة الخليط السابق و استمر في الخلط ربع ساعة متواصلة على اعلى سرعة وبعدين هاضيف كباية السكر المطحون و استمر في الخفق كمان 5 دقائق لحد ما يتقل خالص
5. اجيب صينية بايركس ادهنها زيت و ابطنها بالنشا المخلوط بالسكر المطحون و احط الخليط فيها و ارش على الوجة نشا
   

احطها في الفريزر ربع ساعة و بعدين نقطعا بسكينة مربعات
و الفييييييييييييييين هنا
انا استعملت الجلاتين الورق لانة هو اللي كان عندي عامة انا هاسبلكوا رابط طريقة ام عزيزان لليحب يعملة
http://www.lakii.com/vb/showthread.php?t=496714

الكشري يم يم

انا بقى بموت قي حاجة اسمها الكشري البيتي الواحد كمان معدش ضامن اكل المطاعم وهقولكوا على طريقتة و يارب تجربوها

المقادير:

ارز بالشعرية

كوب عدس اسود مسلوق و مغسول

نص كيس مكورنة عقل صغيرة مسلوق

توم و صلصة و طماطم معصورة

بصل مقطع شرائح

خل و ملح وفلفل وكمون و كسبرة ومعلقة نشا

الطريقة:

هانعمل الصلصة نحط التوم و الكسبرة و الكمون مع زبدة على النار و نطفية بالخل و الطماطم المعصور و نحط معلقتين صلصة عشان تتقل و نتبلها باالملح و الفلفل و لما تتسبك نقفل عليها

البصل هانحط علية ملح كمون و نشا و نقلبة كويس نقلية في زيت سخن هايطلع مقرمش زي بتاع المطاعم

في كل طبق هانحط الرز والمكرونة و العدس و نحط علية الصلصة و نزينة بالبصل

و الف هنا و عافية

الايس كريم البيتي و لا اروع من كدة

انا عملتة في قالب مستطيل عشان اقطعة زي الكاساتا فبل كدة كنت عملت كدا نوع و حطتهم طبقات و لما اتقطع كان شكلة حلو قوي و ممكن تعملية في علبة و تخدي منة بمعلقة الايس كريم ونقدمة مع صوص كراميل او صوص شوكلاتة

الطريقة:

كوب و نص سكر

كوب ونص ماء

عصير لمونة

4 مانجات

كيس دريم ويب

بياض بيضة مضروب كويس جدا شبة المارينج

بشر شوكلاتة للتزيين

الطريقة:

هانحط الماية والسكر مع بعض على النار و بعد الغليان هانحط اللمونة و نسيبهم عشر دقائق

نترك الخليط يبرد تماما و بعدين هانحطة في الخلاط و نقطع علية المانجة و بعدين نصفية و نحطة في الفريزر و كل ماتجمد الطروف نقلبة لحد ما يبقى شبة التلج المتكسر و نضيف علية الكريم شانتيى المضروب و المارينج بردة و نقلب كويس و نحطة في الفريز طول الليل و نقلبة و نزينة ببشر الشوكولاتة.

و بالهنا و العافية

طريقة عمل تورتة بسيطة في البيت

دي كانت تورتة انجاح اختي زينتها بشرايح المانجا و المفروض اني عملت مانجا على شكل سمكة و شوكلاتة سايحتها وعملتها على شكل جناح فراشة المفروض (: والجوانب فرمسيلا

دي بقى كانت تورتة لبابا كانت في النص مربى فراولة و غطيتها بالكريم شانتية و زينتها بالفراولة

دي كانت تورتة لمعاذ ابني وها قولها بالتفصيل

المقادير العامة للكيكة الاسفنجية:
6 بيض
كوب و نص دقيق منخول
كوب و نص سكر مطحون
نص باكو بكنيج بودر دريم
معلقة كبيرة نشا
فانليا
م خل م ليمون
ذرة ملح
م ماء
معلقتين كبار كاكاو (لو حبيتها بالشوكلاتة)

الطريقة:

1. يجب ان تكون كل المكونات بدرجة حرارة الغرفة و نفتح الفرن علي درجة متوسطة



2. نجهز الصينية بدهنها زبدة و نحط ورق زبدة
   



3. هانفصل البياض عن الصفارو يكون وعاء البياض نظيف تماما مفهوش ولا نقطة ماية



4. هانضيف على البياض الخل و الليمون (بديل كريم الطارطار)و نضرب ثم نضيف نص كمية السكر و نضرب 3دقائق على السرعة الاولى عشان يدوب السكر



5. الصفار هانضيف علية المية و باقي كمية السكر ونضرب 3 دقائق على السرعة الاولي ثم خمس دقائق علي السرعة التانية لحد لما ترفعي الخليط لا ينزل من المضرب



6. هاننخل الدقيق والنشا و الملح و البيكنج بودر و الكاكاو مرتين ثم نضع تلت البياض علي الصفار و تلت الدقيق و نقلب من تحت لفوق ثم نضع التلت التاني و تقلب ثم التلت الاخير



7. نحط الخليط في الصينية و نحطها في الفرن و نقفل باب الفرن بالراحة و و نسيبها 35 دقيقة نجيب سكينة و نغرزها لو خرجت نضيفة يبقى خرجيها و لو لسة سيبيها كمان عشر دقائق و لو اتحمرت من فوق و نية من جوه غطيها بفويل و سبيها ربع ساعة

التزيين:

1. لما تخرج سبيها تبرد خالص و بعدين خرجيها من الصينية و شيلي الورقة



2. هانسقيها بسيرم خفيف(ماء=سكار علي النار 5 دقائق) او اي عصير عندك و نغطية بالمربى و نحط علية النص التاني



3. ونغلفة بالكريم شانتية ( مضاف الية معلقة كاكاو لو عايزاه بالشوكولاتة) و نعمل وردات علي كل التورتة
   



4. انا سيحت شوكلاتة خام على حمام ماء ساخن و دهن قوالب صغيرة بالزيت هاتدي شكل حيوانات و حطيتها في الفريزو لما جمدت شلتها و وزعتها على الوردات و رشيت شوكلاتة فرمسيلا ودة الشكل النهائي.
   دي كانت تورتة لمعاذ

يارب اكون ادرت اوصل المعلومة

الهامبورجر البيتي

اللي خلاني اعملة ان الواحد معدش ضامن الاكل من برةو خصوصا بعد ما عرفت انلحم الخنزيربيدخل في صناعة الانشون
و البلوبيف وحسبي الله و نعم الوكيل
انا خدت الطريقة من الشيف الشربيني بس غيرت فيها شوية و طلعت تحفة
المقادير:
نص كيلو لحم مفروم
4م كبيرة فول صويا
(ش. الشربيني كان عملة بربع كيلو فول صويا)
بصلة مبشورة رفيع او معصورة في الخلاط
2 فص توم مبشور
معلقة كاتشب و معلقة مستردة
ملح وفلفل و بهارات لحمة و زعتر
3م كبيرة بقسماط
الطريقة:
ننقع فول الصويا في ماء سخن ربع ساعة و بعدين نصفية في مصفه
هانضيف كل المكونات على بعض ونعجنها باليد لحد ما يتنجسوا
و بعدين نجيب كيس بلاستك و نحط فية مقدار القطعة من الهامبرجرو نلف الكيس زي البؤجةو نضغط علية لحد ما يبقى بالسمك اللي احنا عايزينةو نحط بين كل هامبورجرايو كيس بلاستك و نحفظة في الفريزر
و الفين هنا و عافية

الكرواسون

المقادير:
4 كوب دقيق

كيس نيدو
نص كوب سكر
ربع كوب زيت
م و نص بكنيج بودر
م كبيرة خميرة
عصير لمونتين
5 ج محسن خبز
كوب ماء دافئ
قالب زبدة 350 ج
الطريقة:
كوب الماء الدافئ نضيف علية م كبيرة سكر و الخميرة و نسيبة يتفاعل لمدة ربع ساعة بعد كدة هانحط علية الزيت و السكرو اللمون
ننخل المقادير الجافة مع بعض و نضيفها حبة حبة مع التقليب المستمر لحد لما متلزقش في ايدك و تتخمر ساعة و بعدين نفردها
و نفرد على نصها الزبدة اللي لسة خارجة من التلاجة

و نطوي العجينة عى الزبدة

و نفردها و نطويها بنفس الشكل
تريح في التلاجة ساعة هانعمل نفس العملية 6 مرات علشان تعمل الطبقات زي الملفاي و بين كل مره تريح ساعة و لو خرجت منها الزبدة مش مشكلة رشي دقيق و كملي عادي و لازم تكون الرخامة ساقعة يعني ابقى مرري قوقيها كيس تلج

ياريت نسبها لتاني يوم في التلاجة و بعدين هانفردها هانقسمها اربع و كل ربع هانعملة دايرة و نقطعها مثلثات
هانحط الحشوة جبنة , او شوكولاتة او مربي على قاعدة المثلث و تلف و نحطها في الصينية

و تدهن ب (بيض + لبن +سكر +ملح)

و تخمر ساعتين و تدهن تاني قبل وضعها في الفرن على درجة200 لمدة 30 ساعة و فور خروجها تغطي و تترك لتبرد عشان تفضل طرية
و الف هنا

السمك السنجاري

المقادير:

سمكة بوري
4 فصوص توم
ملح و فلفل و كمون و شطة و كار و كركم
م كبيرة مستطردة
الطريقة:
ننف السمك كويس و نفتحة و نشيل سلسلة الشوك و نتبل السمكة بالخليط السابق
صينية فيها زبد و زيت و نحط السمكة مفتوحة على ظهرها
و نحط كبايو و نص ماية و تغلي عشر دقائق و قبل ما تتشرب كل الصوص نحطها في الفرن تحت الشاوية
و الف هنا

صينية السمك

المقادير:

1 سمك موسي
1 سمك فيلية
1 استاكوزا
طماطم مقطعة مكعبات
فلفل اخضر مكعبات
بصل و توم
شبت و بقدونس و كرفس مقطع صغير
مايونيز
الطريقة :
يتبل السمك بالملح و الفلفل و الكمون و شوح في زبدة و زيت و يوع في طبق
نشيل كيس الرمل من الاستاكوزا و نشوحها بردة
في مقلاية نشوح البصل و التوم و الفلفل و البقدو نس و الكرفس و اخرحاجة الطماطم و رشة خل ولمون
نحط الخلطة دي في صينية و فو قها السمك و الاستاكوزا و فوقم المايونيز و نحطها في الفرن و لما يستوي السمك نحطها تحت الشواية

تاخد لون بس و ياريت تجربوها تحفة فعلا
انا عملتها من غير استاكوزا

شوربة البكلويز البورسعيدية

اللمقادير:
نص كيلو بكلويز(جندوفلي)
3 فصوص ثوم
بصلة متوسطة
ملح و فلفلو كمون و شطة و حنزبيل
الطريقة:
نغسل البكلويز كويس تحت ماء جاري بالمصفي عشان ننزل الرمل
نفرم التوم و نحط علية البهارات كلها و نشوجة في زبدة و زيت و نحط علية البكلويز و البصلة و تكون سليمة هيا بتشيل الزفارة بسو لما يتفتح كلة نغطية بالمية و يغلي لمدة ربع ساعةو نقدم الشوربة لوحدها و هو لوحدة و الف هنا

سلطة الرنجة بالطحينة

المقادير:

نص كوب طحينة
ماء فاتر
ملح و فلفل و كمون و شطة
خل و لمون و رشة زيت
رنجة
الطريقة:
نفتح الرنج و نشيل سلسلة الشوكو نحطها في الفرن و يكون القشرة ناحية الشواية عشان تسيح شوية يعني خمس دقائق
نطلعها و نفصصها و نحطها في الكبة و بعدين نطها في الطبق و نحط عليها باقي المكونات و نخففها بالمية لحد ماتوصل للقوام اللي تحبية
و بالهنا و العافية

السينابون (على طريقة الشيف حسن)

المقادير:
كيلو دقيق
م كبيرة خميرة
م ص محسن خبز
ثلاب ارباع كوب من الزبد
70 ج سكر بني(او عسل اسود)
50 ج سكر ابيض
تلت كوب لبن بودرة
2 بيض
450 ملل ماء
الطريقة:
نضع كل المقادير الجافة في طبق و تقلب ثم نبدا بوضع المقادير السائلة مع التقليب المستمر
و تعجن حتي لا تلتصق باليد
تخمر 4 ساعات في التلاجة داخل كيس ثم تفرد بالنشابة على شكل مستطيل بارتفاع تلات اربع سم
الحشوة:
يوجد نوعين من الحشوة
1- حشوة القرفة :250 ج زبد+150 ج سكر +30 ج قرفة
2-حشوة الكاكاو:250 ج زبد+150 ج سكر+ 30 ج كاكاو
اختاري اللي تحبيها و قلبهم مع بعض لحد ما يتجانسوا ثم تفردي علي العجينة ما عدا الطرف اللي فوق
ثم تلف برفق على شكل اسطوانة و تقطع 5 في 6.5 او المقاس اللي تحبية و ترص في الصينية المدهونة
مع ترك مسافة وتخمر ساعة ثم تدخل فرن على درجة 220 لمدة نص ساعة ثم تسقى بالصوص الساخن فور خروجها
الصوص:
كوب سكر+ معلقة ماء الا ان يصبح كراميل +معلقة زبدة كبيرة + 125 ج فشطة و تقلب

هذا هو صوص التوفي

و الفين هنا و عافية

ملوخية بالجمبري روعة

المقادير:
كيس ملوخية مجمدة
2 مكعب مرق
ربع كيلو جمبري
4 فصوص توم
ملح و بهارات و كسبرة
زبدة للتقلية
الطريقة:
نضع في حلة كوبين ماء و نضع فيها المرق و عند الغليان نضع الملوخية ونقلب حتي تفك من بعضها
يتبل الجمبري بالتوم و ملح و فلفل و كمون وشطة وجنزبيل و لمون
نبدا بعمل التقلية :
نضع الزبدة والتوم و الكمون و الكسبرة و و تشوح ثم نضع عليها الجمبري حوالي 3 دقائق
و نضع هذا الخليط على الملوخية و تترك غلوة
و بالهنا والعافية

ملحوظة: الملوخية منغطيها علشان متسقطش و متسودش بعد ما تبرد خالص غطيها

كفتة البطاطس

المقادير:
3 حبات بطاطس مسلوقة 75%
جبنة جودة مقطعة مكعبات
دقيق
بيض+لبن
بقسماط
الطريقة:
البطاطس تسلق في 45 دقيقية ,معني 75% انها اتسلقت نص ساعة
تهرس البطاطس ويضاف اليها ملح و فلفل و زعتر و تشكل دوائر
نضع في داخل كل كور قطعة جبنة جودة و تكور مرة اخري
تغمس في الدقيق و البيض و البقسماط
و تحمر
و بالهتا و العافية