جاتوة ولا اسهل من كدة

بجد طلع الجاتوة دة سهل قوي هانعمل في صنيتين كيك سويسرول واحد بالكاكاو التانية سادة
و لما نطلعها هانقسمهم 3 قطع بالعرض و نلزقهم بالكريمة
و انا لما كنت بحط شوكلاتة في النص كنت بلزفهم بمربي فراوله مخففها بحبة ماية عالنار وبعدين نقطعم بالطول و نزين كل واحد بالكريز
يارب يكون وصلكم الفكرة

تورتة معاذ حبيي

دي بقى تورتة معاذ حبيبي كان نفسي اعمله تورتة قبل ما اولد هو وسفسف بيحبوا نيمو جدا فقررت اعمل التورتة على شكل نيمو و ولقيت عالنت ازاي اعمل تورتة عالشكل سمكة يلا نبتدي الشغل
انا عملت التورتة في قالب مستطيل كبير
مقادير:
10 بيضات
2كوب دقيق
2كوب سكر ناعم
كيس بكنج بودر
فانليا
معلقة كبير محسن كيك
ذرة ملح

الطريقة:

1. انا كنت شرحتها قبل كدةالزيادة ان احنا هانحط المحسن مع الصفار و نضربة كوبس لحد ما يدوبو الباقي خطوات الكيكة الاسفنجية اللي شرحنها قبل كدة
2. بعد ما تخبر هانطلعها ونحطها في التلاجة لو التورتة عانعملها في نفس اليوم منسقيهاش لو هانزينها تاني يوم نسقيها اني يوم بالقطر وحبة عصيرو نريحا في التلاجة ربع ساعة
   
3. هانقطعها بالشكل دة و نلزق الزعانف بالكريمة و نعمل كيم شانتية و نزود علية لون برتقاني و جزء نحط علية كاكاو و جزء يبقى كريمة بيضاء و الف هنا و عافية