مسابقه بيتزا وفارخ تكا و ممكرونه بالجبنه

السلام عليكم ورحمه الله و بركاته

ازيكوا يا قمرات يارب تكون مسابقه الخير عليكوا ان شاء الله
انا عملت انهارده مكرونه بالحبنه بطريقه جيادا اللي بتعمل برنامج افري داي ايطاليا
و فراخ في الفرن بطريقه جيمي بالبيت
و العشا بيتزا بطريقه ماريو هو كان بيجي في برنامج ايطالي بس حاليا بيجي في ايرن شيف

بسم الله ندخل على التفاصيل:
مقادير المكرونه

كيس مكرونه صدف
لتر لبن
كوب نص ماء
2 مكعب مرق ماجي
تمن جبنه رومي
تمن شيدر
تمن جبنه كروه او جوده
بقسماط
4 معالق دقيق
4م سمن او زبده
اضفت من عندي زيتون اخضر عشان يكسر اللون الابيض شويه وممكن بقدونس بداله و ممكن من غير خالص

الطريقه :

• نسلق المكرونه تلات اربع سلقه انا عملت الحلزوني لانها اللي كانت عندي و اكيد متقولش لا

• نقطع الجبن مربعات

• نغلي كوب ونص مايه عشان ندوب المرقه
• انا استبدلت البقسماط بكيس فيجيتار و خلطت معاه جبنه رومي طابعا زي ما جيادا عملت
• نصفي المكرونه و نقلب فيها الزيتون
• نغلي اللبن و نضيف عليه المرقه اللي دوبناها

• نقلب السمن و الدقيق في طبق لوحده و نضيفه على اللبن بعد ما يغلي

• نضيف الجبن و نقلب كويس منخليش الخليط يتقل خالص
• نضيف على المكرونه و نقلب و نحطها في بايركس كبير و و نش على الوش الفيجيتار المخلوط بالجبنه الرومي

• نحطها في فرن سخن من تحت لمده تلت ساعه و من فوق شويه
• طابعا لاحطتوا اني محتطش اي بهارات او ملح طابعا بسبب الجبن و الماجي و الفيجتار و بجد لما تدوقوها مش هتلاقوها محتاجه حاجه

الفراخ :
دي بقى طعم تكا بالظبط
المقادير :

فرخه
ملح فلفل كمون شطه كاري كركم جنزبيل
ثوم
متسطرده و كاتشب
زيت زيتون
خمس لمونات
منضفش خل لان الكاتشب و المستطرده كلهم خل

تبلت الفرخه قبلها بيوم فتحتها و غسلتها بالطريقه المعتاده
و تبلتها بكل البهارات و االمون و الزيت
و تاني يوم دهنتها بالكاتشب و المستطرده ودخلتها الفرن و ده شكلها النهائي


الطعم انما ايه وهمممممممممممم

البيتزا :
نص كيلو دقيق
كبايه مايه دافيه
قطعه خميره طازة
م سكر
ذرة ملح
ربع كوب زيت زيتون
الحشوة :

1. جمبري و سيبيا منقوعين في ملح وخل و لمون ومايه
   
2. سوسيس
   

الخلطه:
بصله مبشوره + ثوم + ريحان + طماطم معصور و نسبكها
انا بضيف معلقه صلصه على الخليط السابق
و بعد ما تتقل و اخد منها جزء و اسيبها تبرد خالص

الطريقه :
نعمل عجينه و نخمرها ساعه
و بعدين نفردها رفيع او حسب ما انت عايزة
و نحطها في صنيه مدهونه زيت

بالنسبه لحشوة السي فود :
هانتبل الجمبري و السيبيا بالتوم والمستطرده و ملح وفلفل و كمون ولمون
نجيب مقدار من الصلصه و نضيف عليه شرايح بصل و فلف اخضر و زعتر و زيت و خل
هانحط الخليط ده على العجينه و ندهن الطروف بمقدار من الصلصه
و نحط الجمبري و السيبا
نحط الجبنه المبشوره انا حطيت جبنه رومي جديده بتسيح احسن و ملحها قليل
و رشه زيت زيتون
و نحطها في فرن سخن لمده ربع او تلت ساعه
حشوة الوسيس نضيف خليط الصلصه السابق بس هنزود زتون عليه و نكمل كالسابق
ودي النتيجه



يارب تنال لعجابكوا

طريقه عمل صوابع زينب بالصور و التفصيل الممل

جبتلكوا انهارده طريقه صوابع زينب هايله بجد و سهله موت و خيفوا عليا شويه سناني باطت من المنتدي و الله بمسك نفسي مدخل ركن الحلويات مش قادرهربنا يباركلي فيكوا
المقادير دي بتاعت الشيف حسن:
½ كيلو دقيق – 125 ج سامولينا – 150 ج سمنة – 15 ج خميرة فورية – 250 ماء
الشيرة (العسل – القطر) 2 كيلو سكر + كيلو ماء وعصير ليمونة بعد الغليان
الطريقة


نضع كل المقادير فى طبق غويط
ان تتكون عندى العجينة حوالى 5 دقايق وحلاقى العجينة خلاص مبتلزفش فى اليد
اغطى العجينة واتركها شوية تخمر
اضع العجينة امامى على هيئة صباع طويل او رول ثم اخد منها قطعه قطعه واضغطها

نقطعه بالعرض و الطول

ابني بيلف معاياه
نصبع كل قطعه

على وش المبشرة الصغير الخشن او مصفي
دي او دي



و نضغط عليها بالرحه

الفها لفه


ده الشكل

او بالتانيه

اضعها فى صينية
واتركها تانى لتخمر لمدة ربع ساعه
ثم احمرها فى زيت ساخن لحد
ما لونها يحمر واشيلها علبى طول من على النار على الشيرة
الباردة واقلبها كويس فى الشيرة وتقدم

تيرامسو بالمساتي الخاصه

اولا لازم اشكر زهرة الزهور بجد لما شفت موضوعها بجد شجعني كتير اني عمل التيرامسو هو انا غيرت شويه بس بردوا هيا السبب بعد الله سبحانه وتعالي و ده موضوعها الرائع
http://forums.fatakat.com/thread702375

دي النتيجه

المقادير :
2 كيس كريم كراميل
تمن كريم شانتيه بودر
ربع كوب قشطه
جبنه قريش
نسكافيه
كاكاو بودر
كوبين لبن مثلج
الطريقه :
انا عارفه ان التيرامسو اساسه الاصلي جبنه ماسكربوني و كاكاو بودر و بيض واصابع الست
الكريم كراميل مكون من بيض مجفف
و الجبنه تتعمل من خليط من جبنه الريكوتا و الكريم شانتييه انا عملتها بالقريش و الكريمه
و اصابع الست حاولت اعمله في البيت لزق في الصنيه فلما شيلته اتكسر و كان عندي البقسمات ده قولت ميقلش لا

اولا:
ضربت الجبنه و اللبن والقشطه و الكريمه
بعد ما تقل اضفت الكريم كراميل و الكراميل و كملت ضرب و ضفت نص كوب لبن دافي
ثانيا : الرص
البقسماط اللي اتغمس في النسكافيه



الخليط ثم رشيت كاكاو بودر

و اعدت نفس الخطواط
و حطيته في التلاجه
بالورق عملت فتكات و قصيتها

و هدي النتيجه


يارب تعجبكوا
كان نفسي اصوره احسن من كده بس الموبايل فصل شحن جاب اخره معايا

الطعم اكيد انتوا عارفينه
ادعولي ربنا يشفيني

ايس كريم تمرهندي واناناس ويوسفي

ازيكوا حبايبي انا كنت مره بتفرج على قناه و لقيتهم قدموا للاطفال ايس كريم تمرهندي و اناناس
قولت اما اجربه وبجد نتيجه هايله
انا جيبت القوالب دي من عند محل بيبيع ادوات المطبخ من ركن البلاستيك

ندخل على الطريقه :
عصير تمر هندي بيتي
عصير يوسفي من عند معصره
عصير اناناس من عند المعصره بردوا
ثلات اربع كوب سيرب خفيف

الطريقه:

كل كوب عصير اضفتله ربع كوب سيرب
حطتهم في القوالب زي اللي في موضوعي السابق ده
http://forums.fatakat.com/thread697427

حططتهم في الفريزر لحد ما جمدوا
ليه بضيق السيرب عشان يبقى طعم التلج حلة والا هاتحسي انك بتاكلي عصير بالتلج
و دي النتيجه



ماشاء الله لا قوة الا بالله كان الطعم اكيد متوقعينه
بالف هنا يا قمرات

ايس كريم كولا استيك

ايس كريم الكولا بجد بموووووت فيه من وانا صغيره بس معدش بينزل فكرت اعمله ونجحححححححححح بفضل الله
نص لتر كولا
تلات اربع كوب سيرب خفيف(كوب سكر- كوب ماء -لمونه )عشر دقايق على النارو بعدين نسيبه يبرد ودخل التلاجه اول ما يسقع
نضيفهم على بعض و نعمل كالتالي



النتيجه بعد 8 ساعات على الاقل

ما شاء الله عليه بالظبط الللي كنت بجيبه وانا صغيره

دي صوره احتفال يوم الجمعه

تورته التونه تورته حادقه

طابعا اكيد متستغربوش دي اخرت واحده جوزها بيحب الحوادق
عملت رغيف توست بس بمقدار قليل لاني محتاجه كميه بسيطه في حالت انك هاتعمليه عشان يوبقى توست وتقطعيه سرايح اعملي 2 من مقداري

المقادير:
100 ملل مايه(نص كوب)
م سكر
قطعه خميره طازه
معلقه كبيره لبن بودره
ربع كوب زبده سايحه
حولي من كوب ونص دقيق الي كوبين حسب العجينه
معلقه شاي محسن(5جم)

الطريقه:
نفاعل الخميره ربع ساعه
نحط المكونات كلها ونعجن لحد لما تبقبى كوره نريحا ساعه و بعدين نفردها و نلفها و نحطها في القالب

و نخمرها لحد لما ترتفع ندهن الوش زبده سايحه بالراحه
و تستوي في فرن متوسط الحراره لمده نص ساعه و يكون في قاعده الفرن صنيه فيها مايه سخنه بعد ما يطلع

نجيب بخاخ ميه و نرش القالب و السطح الرغيف و نطلعه و نسيبه يبرد
نقسمه 3 اقسام بالعرض نقطع الطروف و( طابعا متترماش نحطها في الفرن شويه و نعدين نعملها بقسماط مطحون)

ندهنه بالمايونيز البيتي التحفه الامن على ولادك
(بيضه + حبه خل+ملح وفلفل ابيض+في الخلاص و ننزل سرسوب كوب زيت ذره او اقل و بعدين نحطه في برطمان و نحطه في حله فيها مايه سخن لمده عشر دقايق و نحطه في التلاجه)
نحط التونه
شرايح الخيار المخلل وهكذا في كل الطبقات

و الاخيره مايونيز بس

و الف هنا عليكوا