السبت، 12 يونيو 2010

اهش سينابون على الاطلاق بالتفصيل و الصور

ازيكوا يا جماعه عاملين ايه يا رب تبقوا بخير و يا رب مشاركاتي تبقى خفيفه عليكوا
بجد لازم اشكر catty catty
لان بجد اضافتها خلتوا تحفه ودي طريقتها
http://forums.fatakat.com/thread576861
انا عملت السينابون قبل كده بس المره دي غير كل مره
دي مقادير الشيف حسن انا بعمل نصها او ربعها حسب الكميه اللي عايزاها او عدد الضيوف
المقادير:
كيلو دقيق
م ك خميره فوريه
5 جم محسن خبز ( معلقه شاي )
تلات اربع كوب زبده
70 جم سكر بني (تلت كوب)
50 جم سكر ابيض ( ربع كوب)
كيس نيدو اللي بجنيه
2 بيض
معلقتين كريم شانتيه بودر( اضافه كاتي كاتي)
450 ملل مايه (اقل من نص لتر بشويه ) قابله للزياده او النقصان


الحشو:
250 جم زبده ربع كيلو بدرجه حراره الغرفه
150 جم سكر بني (تلات اربع كوب)
30 جم قرفه او كاكاو ( معلقه كبيره)

الطريقه :
اولا ازاي نعمل السكر البني الغامق

كوب سكر عادي
ربع كوب عسل اسود
قلبتهم مع بعض بالشوكه و استخدمت منه للمقدار و الباقي عينته فيعليه محكمه الغلق في التلاجه

ثانيا نقلب كل المكونات الخافه مع بعض
و السائله مع بعض و بعدين نضيفهم على بعض ونعجن لحد لما تبقى كوره مش بتلزق في الايد


نحطها في كيس في التلاجه طول الليل او حد ادني 8 ساعات ( دي نصيحه الشيف حسن)
نفردها

نقلب الحشوة مع بعض و بعدين نضيفهم ونفردها على العجينه

و نلف العجينه

و نقطعها بعرض 6 سم ونجيب صنيه تيفال او صنيه ونحط فيها ورقه زبده

قبل ما نحط القطع نقفل القطعه من تحت عشان السكر و الزبده مينزلوش وتتحرق من تحت
و نرصهم جنب بعض و بعدين نضغط عليهم شويه من فوق وتتخمر ساعه ونص وتتحط في فرن سخن شويه ونحط في قاعده الفرن صنيه فيها مايه سخنه
تقريا تستوي نص ساعه


السينابون من تحت شايفين

من الجنب

او ما تطلع نرصها في الطبق ونحط الصوص
انا عملت صوص الطوفي

كوب سكر و ربع كوب ماء على النار و بعدين تحط حته زبده و القشطه

شايفين الهشاشه

والف هنا عليكوا يا قمرات


مين يحب ياكل دي من ايدي

ليست هناك تعليقات:

Related Posts with Thumbnails