معلش يا جماعة بقالي زمااااااااااان معملتش حاجة الحمل بقى و الاطفال مخليني نشيطة جدااااااااااااااااا مش هاطول عليكوا
السوسرول ولا اسهل من كدة
المقادير:
4 بيض
فانليا
كوب سكر ناعم
تلات اربع كوب دقيق
ربع كوب نشا
بكنيج بودر
ذرة ملح
للزينة شوكلاتة سايحة
للحشوة حسب الرغبة انا عملت مربي و قشطة بالكريمة
الطريقة:
هانضرب البيض والسكر والفانليا لحد ما يدوب السكر
نحط الدقيق و النشا و ملح و البينج بودر بعد النخل
و نقلب كويس جدا و نجيب صينية مستطيل كبيرة و ندهنها زبدة و نحط ورقة زبدة
و نحط الخليط و الفرن يكون سخن على درجة حرارة 200 لمدة ربع ساعة
و لما تخرج نجيب فويل و نلفه على طول و هو سخن ةنحطة في التلاجة حوالي ساعتين
و نجهز الحشوة قشطة مضروبة مع كريم شانتية
و مربي فراولة و نفتح الفويل بس مش على الاخر عشان ميتقطعش
و نحشي ونلفة تاني بالفويل و نحطة في التلاجة و تانييوم نفك الفويل و نزينة بالشوكلاتة السايحة
و يارب فعلا يعجبكوا
ليست هناك تعليقات:
إرسال تعليق