انا بحبها قوي و جربتها بطريقة الشيف حسن بس مكنتش بتتطلع زي اللي بنجبهاالمهم اعد اجرب و بفضل الله فضلت وراها لحد ما جبتها
المقادير:
تلت كيس مكرونة اسباكتي او اي نوع لانها هاتضرب في الخلاط
حتى انا ملقتش و لقيت عندي شعرية فعملت بيها هههههههه
نص كيلو لبن
بيضة او اتنين
نص كباية جوزهند
معلقتين نشا كبار مدوبينهم في ربع كباية ماية
فانليا
معلقتين كبار سمنة او زبدة
تلات اربع كباية سكر
الطريقة:
- هانسلق المكرونة عادي بس تلات اربع سوا
- نحط النشا و البيض والسكر ونص كمية اللبن والسمنة نضربهم كويس مع بعض
- نضرب المكرونة مع باقي اللبن في الخلاط على حسب مانتي عايزة تضربيها خالص او نص نص
- نحطها في حلة عالنار و بعدين نضيف الخليط السابق و كمان الجوز هند و اول ما يتقل
- نحطة في صينية بايركس مدهونة بالزبدة
- نحطها في الفرن ربع ساعة من تحت و بعدين نحطها تحت الشواية بس تبقى متابعها و تلفيها كل شوية عشان متتحرقش منك
- ولما تبرد حطيها في التلاجة وتتاكل تاني يوم هاتبقى ان شاء الله زي اللي بنجبها بالضبط.
و بالهنا و العافية
هناك تعليق واحد:
اشكر طبق الندى
بجد لان انا رحت منتديات تانية بس دا احلى واحد
إرسال تعليق